CONFERENCIA: LAS RELACIONES ENTRE MÉXICO Y ESTADOS UNIDOS: NUEVAS IMPLICACIONES Y DESAFÍOS

O próximo martes celebrarase unha conferencia titulada “Las relaciones entre México y Estados Unidos: nuevas implicaciones y desafíos”, impartida polo Prof. Dr. Guillermo Salvador Valdiviezo Ocampo da Universidad Autónoma de Chiapas (México).

O Dr. Guillermo Salvador Valdiviezo Ocampo é Profesor Titular no  Doutoramento en Estudios Rexionais, na Maestría en Desenvolvemento Local e na Licenciatura en Economía da Universidad Autónoma de Chiapas. Realizou o Doutoramento Interuniversitario en Economía y Gestión de la Innovación y Política Tecnológica da Universidad Complutense de Madrid, presentando a súa tese baixo o título  “Los determinantes de innovación de la conducta exportadora de España y México”.

É Coordinador da Maestría en Desarrollo Local dende agosto de 2014. Tamén é membro do Sistema Nacional de Investigadores Nivel 1 del Consejo Nacional de Ciencia y Tecnología (CONACyT) de México, e integrante do Corpo Académico en Estudios Rexionais da Universidad Autónoma de Chiapas.

A conferencia, organizada polo Máster DEIN (Máster en Desenvolvemento Económico e Innovación) e polo Grupo ICEDE (Innovación, cambio estrutural e desenvolvemento), conta co apoio da Deputación da Coruña. É unha conferencia aberta ao público.

Ademáis da conferencia, o Dr. Valdiviezo tamén impartirá unha clase do Máster DEIN sobre a actividade innovadora e exportadora das empresas en España e México.

Lugar e data: Salón de Graos, Facultade de Ciencias Económicas e Empresariais. Martes, 29 de novembro, 12h.

 

Conferencia de Oscar Rodil

 

Oscar Rodil, profesor de Comercio, competitividade e innovación, vén de participar como ponente invitado pola Pontificia Universidad Católica del Ecuador (PUCE) no I Simposio Anual de Derecho y Economía Neo-Institucional e no II Congreso Internacional de Gestión Empresarial que se celebraron conxuntamente na sede de PUCE en Ambato (Ecuador) do 20 ao 26 de outubro. A conferencia do profesor Rodil levou por título "Relaciones Comerciales entre América Latina y China en el marco de las Cadenas Globales de Valor". Na súa intervención, o profesor Rodil presentou os resultados das súas investigacións máis recentes sobre o avance da integración comercial dos países latinoamericanos e China nun contexto marcado pola crecente fragmentación dos procesos produtivos a escala transnacional, con importantes implicacións na dinámica dos fluxos comerciais entre estes países. En dita presentación púxose de manifesto a utilidade analítica do enfoque do comercio en valor engadido, observándose un estreitamento na inserción conxunta de América latina e China en canto á súa participación nas cadeas globais de valor.

Así mesmo e a petición do equipo directivo de PUCE en Ambato, o profesor Óscar Rodil participou tamén cunha exposición ao persoal docente da unidade académica da Escuela de Administración de Empresas de dita universidade sobre a produción de artigos científicos. No marco desta visita, mantivéronse tamén contactos co persoal investigador co obxecto de iniciar vínculos de colaboración e estudar posibles propostas de colaboración futura.