Entrevista ao profesor Xoán Doldán no documental "Tesouro de Corcoesto"

Nesta entrevista, o profesor Doldán expón as implicacións económicas, sociais e ambientais da minería a nivel local, centrándose no caso de Corcoesto, na comarca de Bergantiños. Concretamente trata o efecto que a minería tería na contorna sobre o emprego, impostos locais, infraestruturas e servizos sociais, emigración e desenvolvemento industrial. Tamén dá unha explicación das estratexias seguidas por empresas mineiras multinacionais, do fenómeno da megaminería na economía global, do termo minería sustentable e de alternativas para un desenvolvemento sustentable.

O profesor Xoán Doldán imparte no Máster DEIN a materia obrigatoria Desenvolvemento Económico e Sustentabilidade e máis a optativa Recursos e Desenvolvemento Sustentable, da especialidade de Desenvolvemento Económico Rexional e Local.

Para acceder á entrevista pincha na imaxe.