Xornadas Economia Circular

_{O Máster en Desenvolvemento Económico e Innovación organiza unha actividade formativa, aberta ao público, sobre Economía Circular, unha das principais estratexias actuais europeas para xerar crecemento e emprego. Baixo o título “Economía Circular: un novo modelo produtivo para sair da crise”, estas xornadas incluirán a visión de diversos investigadores sobre o papel da economía circular, así como representantes de administracións públicas que explicarán as iniciativas que se están a desenvolver dende as mesmas. Asimesmo, a Fundación para la Economía Circular analizará cal é a situación en España e contaremos tamén con varias empresas dos distintos sectores económicos que xa están aplicando os principios de economía circular na súa actividade. Resérvase un espazo para o debate cos asistentes tras cada mesa de intervención.}

_{A asistencia é libre e convidámos a asistir a todas as personas interesadas.}

_{O lugar de celebración será o Salón de Graos da Facultade de CC. Económicas e Empresariais da Universidade de Santiago de Compostela, o xoves 30 e venres 31 de marzo de 2017.}

_{A continuación tedes o programa completo destas xornadas, que tamén pode descargarse AQUI.}

 

 

O profesor Manuel Arturo López Quintela ingresa na Real Academia Galega de Ciencias

O profesor Manuel Arturo López Quintela que imparte docencia no Máster DEIN na materia Fronteiras das Ciencias e das Tecnoloxías, ingresou o pasado día 16 de febreiro como académico da Real Academia Galega de Ciencias. O discurso do seu acto de ingreso titulouse “Clústeres cuánticos de átomos: o último reducto da química por descubrir nos límites da nanotecnoloxía”.

 

Manuel Arturo López Quintela é Catedrático no Departamento de Química Física da Universidade de Santiago de Compostela (USC) e experto en nanotecnoloxía. Licenciouse e doutourose en Ciencias Químicas na USC. Durante a súa traxectoria investigadora realizou estadías en institucións de prestixio como a Universidade de Bielefeld e o Instituto Max Planck, en Alemaña. Tamén foi profesor visitante en universidades italianas, estadounidenses e xaponesas. Ademais do seu labor docente e investigador, avalado polo elevado número de publicacións e patentes, destaca a súa actividade de emprendemento. Así, é cofundador da empresa Nanogap, spin-off da USC. Esta empresa adicada á produción de nanofibras de prata a escala industrial para aplicacións en óptica e electrónica conta cunha filial nos Estados Unidos.

Noticia no Xornal da USC
Noticia no Faro de Vigo
Noticia La Voz de Galicia

Conferencia sobre financiamento da innovación

O Máster en Desenvolvemento Económico e Innovación organiza a CONFERENCIA: 'Capital risco e financiamento da innovación', a cargo de Javier López, Consultor en Xestión da Ciencia e transferencia de tecnoloxía e Ex-Director Xeral da Fundación Barrié, da FEUGA e de Promoción de Uninvest SA.

 

A cita é o martes 21 de Marzo de 2017, 16:30 h, na aula 6 da Facultade de Cc. Económicas e Empresariais. A entrada é aberta.

 

 

 

Plan e Programas de I+D+i en Galicia